എനിക്ക് ചിതബ്രഹ്മം ആണെന്ന് വിശ്വസിക്കുന്നു ചിലര്‍ .ചിലപ്പോളൊക്കെ എനിക്കും തോന്നിയിട്ടുണ്ട് അങ്ങനെ .

 അവ്യക്തതുടെ കറുത്ത നിഴലുകള്‍  വീണു കിടക്കുന്ന അനിശ്ചിതമായ ഭാവിയിലേക്ക് ഉറ്റു നോക്കുമ്പോള്‍ മാത്രം ഞാനൊരു മനോരോഗിയെ പോലെ അസ്വസ്ഥയാകുന്നു .ജീവിതത്തിന്‍റെ നീണ്ട യാത്രകള്‍ എന്നെ കൂട്ടികൊണ്ട് പോയിരുന്നത് എന്നും അവ്യക്തതയിലൂടെ ആയിരുന്നു. ആ മഹായാത്രകളെ കുറിച്ച് ,പരിചയപെട്ട മനുഷ്യരുടെ ബലങ്ങള്‍ ,ബലഹീനതകള്‍ ദൈന്യതകള്‍ , ഞാന്‍ എന്തിനും പോന്നവന്‍ എന്ന് അഹങ്കാരത്തോടെ പറയുമ്പോളും ഒന്നുമില്ലായ്മയുടെ ആകത്തുകയാണ് ഞാന്‍ എന്ന തിരിച്ചറിവ് ,എല്ലാ നേട്ടങ്ങള്‍ക്ക്‌ മേലെയും എന്നെനോക്കി  കൊഞ്ഞനം കുത്തുന്നു. ആഗ്രഹപൂര്‍ത്തീകരണങ്ങള്‍ക്ക് വേണ്ടി മാത്രം ജീവിക്കുന്ന മനുഷ്യന്‍ ,ആവശ്യ പൂര്‍ത്തീകരണങ്ങള്‍ക്ക് വേണ്ടി ജീവിക്കുന്ന മനുഷ്യരുടെ മേല്‍ ആധിപത്യം സ്ഥാപിക്കുന്നു.